NABIL AD

सिटिजन्स बैंक लुटिंदा घाइते भएका ‘गार्ड-दाई’को बयान-‘बैंकका कर्मचारी, र धनमाल जोगाउन सकेसम्म कोसिस गरें, तर…’

GARIMA BANK
  • अर्थ सरोकार सम्बाददाता

विराटनगर । शितल कुमाल होसमा आउँदा उनका अगाडी केहि प्रहरीहरु थिए । चिकित्सकले उपचार गरिरहेका थिए । मानसपटलमा केहि समय अगाडी आफु कार्यरत बैंकमा भएको लुटबारे दृश्यहरु घुमिरहेका थिए । त्यसैबीच प्रहरीले उनीमाथि सोधपुछ सुरु गर्यो ।

नेपाल एक्स टु (एनेक्स टु) मार्फत् १ असोजदेखि सिटिजन्स बैंकमा कार्यरत ३८ वर्षीय शितल कुमा घटनाबारे बताउन थाले ।

‘मैले सबैको सुरक्षा जाँच गर्दै भित्र पठाइरहेका थिएँ । यसैबीच केहि व्यक्तिहरु सरासर बैंक प्रवेश गरे ।’

‘मैले उनीहरुलाई रोकेर के कामको लागि आएको हो भनी प्रश्नसमेत गरें । एउटाले माथि काम छ भन्दै बैंकको एक फन्को मारेर फर्कियो । १५ मिनेटपछी उनीहरु फेरी आए ।’

घाइते भएर पल्टिएका उनलाई बोल्न केहि गाह्रो भईरहेको थियो । प्रहरीले त्यसपछि…? भनेर प्रश्न तेर्स्यायो ।

‘१५ मिनेट पछि उनीहरु फेरि आए ।  मैले के काम थियो भनेर उनीहरुलाई रोक्न खोजें । वरिपरिबाट घेरेर उनीहरुमध्ये एकलेमेरो खुकुरी खोसे । अर्को एकले पेस्तोल ताके । मैले आफ्नो खुकुरी खोस्न खोज्दै गर्दा अर्को लुटेराले मेमाथि गोली चलायो । त्यसपछि मलाई केहि थाहा छैन । मैले बैंकका कर्मचारी र धनमालको सुरक्षाका लागि सकेको कोसिस गरेको हुँ ।’

कुमालकि पत्नीलाई छोराछोरीको सुरक्षाको चिन्ता…

कुमालकी पत्नी ३७ बर्षीया नानुमायाले श्रीमान घाइते भएको सूचना घटनाको आधा घण्टापछि पाएकी थिइन् । ‘कसैले बैंक लुटपाट बारे फेसबुकमा गरेको पोस्ट हेरेपछि एक छिमेकीले मलाई भने अनि थाहा पाएकी हुँ । बैंक लुटियोरे भनेर कसैले फेसबुकमा पोष्ट गरेको रहेछ । छिमेकीले मलाई भने पछी बल्ल थाहा पाएँ ।’

अव उनलाई श्रीमानको स्वास्थ्यस्थितिसँगै छोराछोरीको सुरक्षाको चिन्ता बढेको छ । कर्सियाकै एक स्थानीय विद्यालयमा कुमालको छोरी कक्षा–९ मा र छोरा कक्षा–६ मा पढ्छन् । ‘लुटेराहरुले श्रीमानलाई चिनिसकेका छन्, तीन जना पक्राउ परे पनि उनीहरुका अरु साथी पनि होलान्, छोराछोरीलाई कसरी विद्यालय पठाउने चिन्ता भयो । लुटेरालाई कडा कारवाही त हुनु पर्छ नै, मेरो श्रीमानको उचित उपचार होस्, मेरो परिवारको सुरक्षाको व्यवस्था सरकारले मिलाईदेओस् ।’

Jagadamba
MEGA

प्रतिक्रिया दिनुहोस्

सिफारिस:

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2021.

Artha Sarokar® Trademark Registered. Regd. No. : 047796

Maintained By : Eservices Nepal