काठमाडौँ – नेपाली कांग्रेसको भातृ संगठन नेविसंघको महाधिवेशनको चुनावी नतिजाले पार्टी सभापति शेरबहादुर देउवा मख्ख भएका छन् ।

निर्वाचनको मत परिणाम अनुसार देउवा पक्षका अधिकांश उम्मेदवार विजयी भएपछि १३ औँ महाधिवेशनबाट पार्टी कब्जा गरेका देउवाको नेविंघमा पनि बर्चस्व हुने भएको हो ।

निर्वाचनमा कृष्णप्रसाद सिटौला समूह देउवा समूहसँग मिसिएपछि देउवाले जितको स्वाद चाख्न पाएका हुन् । १२९ पदका लागि भएको निर्वाचनमा देउवा प्यानलबाट अध्यक्ष र दुई महामन्त्री विजयी भएका छन् । अध्यक्षमा नैनसिंह महर, महामन्त्रीमा कुन्दन काफ्ले र सरोज थापा विजयी भएका हुन् ।

त्यसैगरी उपाध्यक्षमा समेत ५ प्रदेशबाट देउवा प्यानलले जित हात पारेको छ । महामन्त्रीमा पनि ४ प्रदेशमा देउवा समूहले बाजी मारेका छन् । अध्यक्षले निर्वाचन पछि २२ जना मनोनयन गर्न पाउने व्यवस्था छ ।