इलाम – जिल्लाको सिद्धिथुम्का गाबिसमा वृद्ध भत्ताको चरम दुरुपयोग हुने गरेको तथ्य बाहिरिएको छ । गाबिसमा रहेका अधिकांस वृद्धाहरु भत्ता पाउने बितिकै भट्टी छिर्ने गरेका छन् । ७० बर्षभन्दामाथिका वृद्धहरुलाई सरकारले प्रतिमहिना रु. १००० भत्ता दिने गरेको छ भने ३- ३ महिनामा उनीहरुले भत्ता बुझ्ने गरेका छन् । कतिपय वृद्धाले एकै बसाइमा तीन हजारनै सकाउने समेत गरेका छन् । मदिरा, मासुसँगै कहिलेकाहीं उनीहरु जुवाको  खालमा समेत बस्ने गरेको स्थानीयबासी बताउँछन् । तर उनीहरुको अधिकांस रकम रक्सीमै सकिने गरेको छ । 

भत्ताको पैसाले वृद्धहरु रक्सीमा मस्त ! 

सरकारले दिएको भत्ता पाएकै दिन गाबिसका अधिकांस वृद्धाहरु भट्टी छिर्ने गरेका छन् । यसबारे वृद्धाहरुको तर्क भने बेग्लै छ । ‘भत्ता भनेकोनै कहिलेकाहीं रमाइलो गर्न दिएको त हो नि । लाउन, खान त छोराहरुले दिइनैहाल्छन् नि ! वृद्दभत्ताभनेकै यसो तलवललाग्दा रमाइलो गर्न हो ।’ गाबिसका एक वृद्धाले बताए । उनीमात्र होइन अधिकांस वृद्धहरुको भनाइ यस्तै छ । यसरी रक्सीमै भत्ता सकाउनेहरु कतिपय बिरामी वृद्धा औषधि सेवन गरीरहेका वृद्धाहरु पनि छन् ।

यसबारे गाबिसका सचिव युवराज घोर्साइलाई सम्पर्क गर्न खोज्दा उनको दुवै मोबाइल नम्बर अफ छ ।