काठमाडौँ – पूर्वप्रधानमन्त्री एवं एमाले नेता माधवकुमार नेपाल गए राती चीन प्रस्थान गरेका छन् । नेता नेपाल श्रीमती गायत्रीका साथ बिहीबार राति सवा ११ बजे चीनको हुनान प्रस्थान गरेका हुन् ।

नेपाल बेइजिङसम्म पुगेर एक सातामा नेपाल फर्कने उनका स्वकीय सचिव मोहन गौतमले  बताए । गौतमका अनुसार भ्रमण विशुद्ध व्यक्तिगत र पारिवारिक हुनेछ ।

‘यो विशुद्ध पारिवारिक र व्यक्तिगत भ्रमण हो’, गौतमले भने, ‘घुमफिर मात्र गर्नुहुन्छ, राजनीतिक भेटघाट केही हुँदैन ।’ गौतमका अनुसार व्यक्तिगत भ्रमण भएकाले सरकारलाई जानकारी गराइएको छैन ।