विराटनगर –  सुनसरीको इटहरीमा आयोजित कार्यक्रममा सहभागी हुन आउने क्रममा आज विराटनगर विमानस्थलमा स्थानीय संचारकर्मीसँगको कुराकानी गर्दै  नेकपा माओवादी क्रान्तिकारी का अध्यक्ष मोहन बैद्यले फेरि युद्धमा फर्कने धम्की दिएका छन् ।

 वैद्यले देश र जनताको पक्षमा काम गर्ने सरकार निर्माणका लागि दवाव सृजना गर्ने त्यस्तो नभए पुनः युद्धमा जाने बताए । उनले माओवादी केन्द्रका अध्यक्ष प्रचण्ड नेतृत्वको सरकार विदेशी शक्तिको इसारामा वनेकाले राष्ट्रिय हितमा काम गर्न नसक्ने टिप्पणी गरेका छन् ।

वैद्यले भने, ‘कुनै सरकार परिवर्तनका लागि विदेशी शक्तिको हात रहन्छ भने यस्ता सरकारले राष्ट्र र जनताको पक्षमा काम गर्न सक्दैन अहिलेको गठवन्धन सरकारको अवस्था पनि उही हो यो सरकार वाट गुणात्मक कामको अपेक्षा गर्न सकिँदैन ।’