• अर्थ सरोकार सम्बाददाता 

काठमाडौँ – साताको पहिलो दिन आइतबार बजार परिसूचक नेप्सेमा १२.६३ अंकको गिरावट आएको छ । ३ दिनपछि खुलेको बजार ०.७३ प्रतिशतले घटेर आइतबार १७२२.४३ बिन्दुमा रोकिएको छ । कारोबारमा आएका समुहगत सूचकमा होटेल्स समुह बाहेक बाँकी अन्य समूह घटेका छन् भने अघिल्लो दिनको तुलनामा कारोबार रकममा पनि गिरावट आएको छ । 

आइतबारको कारोबारमा १४२  कम्पनीका १०  लाख ३१  हजार बराबर शेयर खरिद बिक्रिबाट ६८ करोड ७७ लाख ५२  हजार  ६ सय २३ रुपैयाँ बराबरको कारोबार भएको छ।  जसमा हिमालयन जनरल इन्स्योरेन्सको मात्रै ६ करोड ७ लाख  बराबरको कारोबार भएको छ। अन्य बढी कारोबार हुनेमा नेपाल बंगलादेश बैंक, एभरेष्ट बैंक लिमिटेड, नेपाल इन्भेस्टमेन्ट बैंक लिमिटेड, सोल्टी होटेल्स रहेका छन् ।  

साताको पहिलो दिनको कारोबारमा कमाउनेमा हाम्रो विकास बैंक लिमिटेड, सिद्दार्थ डेभलपमेन्ट बैंक लिमिटेड, हिमालयन जनरल इन्स्युरेन्स कम्पनी लिमिटेड, राप्ती भेरी विकास बैंक लिमिटेड, एनएमबी सुलभ फण्ड १ का लगानीकर्ता रहेका छन। गुमाउनेमा  मिथिला लघुवित्त विकास बैंक लिमिटेड, बोटलर्स नेपाल (तराई ) लिमिटेड, शिखर इन्स्युरेन्स कम्पनी लिमिटेडको संस्थापक शेयर, रिडी हाइड्रोपावर डेभलपमेन्ट कम्पनी लिमिटेड,किसान माइक्रो फाइनान्स वित्तीय संस्थाका लगानीकर्ता रहेका छन।