- अर्थ सरोकार सम्बाददाता
काठमाडौँ – साताको तेस्रो दिन बजार परिसूचक नेप्से १.२६ अंकले घटेको छ । अघिल्लो दिनको तुलनामा कारोबार रकममा केहि सुधार देखिएको छ। साताको दोस्रो दिन सोमबार ३९.३१ अंकले घटेको नेप्से मंगलबार १.२६ अंकले ओरालो लागेर १६८१.८६ को बिन्दुमा रोकिएको छ ।
कारोबारमा आएका समुहगत सूचक मध्ये बैंकिंग , होटेल्स ,विकास बैंक, हाइड्रोपावर बाहेक सबै सूचक घटेका छन् । मंगलबारको कारोबारमा १३९ कम्पनीका ११ लाख ५२ हजार कित्ता सेयर खरिद बिक्रिबाट ८८ करोड १९ लाख ६२ हजार ८ सय १० रुपैयाँ बराबरको कारोबार भएको छ। जसमा सबै भन्दा बढी ४१ प्रतिशत लाभांस प्रस्ताव गरेको नेपाल इन्भेष्टमेन्ट बैंकको मात्रै ७ करोड रुपैयाँ बराबरको कारोबार भएको छ ।
अन्य बढी कारोबार हुनेमा नेपाल बंगलादेश बैंक, सिद्दार्थ बैंक लिमिटेड, एभरेष्ट बैंक लिमिटेड रहेका छन । बढी कमाउने कन्काई विकास बैंक, सिद्दार्थ डेभलपमेन्ट विकास बैंक, नबिल बैंक लिमिटेड सस्थापक शेयर, राष्ट्रिय बिमा कम्पनी, एक्सेल डेभलपमेन्ट बैंकका लगानीकर्ता रहेका छन् ।
बढी गुमाउनेमा कालिका माइक्रो क्रेडिट डेभलपमेन्ट बैंक, रिडी हाइड्रोपावर डेभलपमेन्ट कम्पनी, नेरुदी लघुवित्त विअक्स बैंक, रुरल माइक्रोफाइनान्स डेभलपमेन्ट सेन्टर, बोटलर्स नेपाल(तराई) लिमिटेडका लगानीकर्ता रहेका छन।
