काठमाडौँ – गएराती चितवनमा भएको सवारी दुर्घटनामा मृत्यु हुनेको संख्या ४ पुगेको छ । भैरहवाबाट काठमाडौँतर्फ जाँदै गरेको लु १ ख ९३६१ नंको बस र काठमाडौँबाट धरान जान आउँदै गरेको ना ४ ख ४५१६ नंको बस मङ्गलबार साँझ पृथ्वी राजमार्गको चितवन फिस्लिङमा एकआपसमा ठोक्किदा दुर्घटना भएको हो ।  

 मृत्यु हुनेमा  जुगुम गाविस–८ गुल्मीकी २२ वर्षीया मञ्जु गौतम र उनका १० महिनाका छोरा संयोग गौतम रहेका छन् । अन्य दुईको सनाखत हुन नसकेको जिल्ला प्रहरी कार्यालय चितवनले जनाएको छ।  सनाखत भएका आमाछोराको उपचारका क्रममा चितवन मेडिकल कलेजमा मृत्यु भएको हो । अन्य दुईको उपचारका लागि काठमाडौँतर्फ लैजाँदै गर्दा गजुरीमा मृत्यु भएको प्रहरीले जनाएको छ ।