• अर्थ सरोकार सम्बाददाता

काठमाडौं। हिमालय एयरलाइन्सले असोज १५ गतेदेखि मंगलबार, विहिवार र शनिबार गरी साताको तीन दिन कोलम्बो उडान गर्ने भएको छ। 

अर्थ सरोकार डटकमलाई प्राप्त जानकारी अनुसार एयरलाइन्सको यो दोस्रो गन्तब्य हुनेछ। एयरलाइन्सले पहिलो अन्तर्राष्ट्रिय उडान दोहा गरेको थियो । यो नेपाल र चीनको संयुक्त लगानीमा स्थापना भएको एयरलाइन्स हो। कम्पनीले कोलम्बोको लागि एकतर्फी भाडादर २९ हजार १ सय ९१ र दुर्इ तर्फी भाडा ५० हजार ४१ रुपैयाँ तोकेको छ।

यो भाडादरमा सरकारी कर लागु नभएको कम्पनीले जनाएको छ । कम्पनी भाइस प्रेसिडेन्ट विजय श्रेष्ठले दुर्इ पल्टको गैर निर्धारित कोलम्बो उडानबाट प्राप्त उत्साहजनक प्रतिक्रियाले नयाँ रुट संचालनमा ल्याउन लागेको अर्थ सरोकार सम्बाददातालाई जानकारी दिएका छन् । कम्पनीले यो कोलम्बोका लागि क्लासिक ट्राभललार्इ जेनरल सेल्स एजेन्ट नियुक्त गरेको छ ।