">
एजेन्सी – चीनको झेजिआङका दुई गाउँमा बाढीपहिरो र ठुलो हावाहुरीमा पर्दा कम्तीमा ३३ जना बेपत्ता भएका छन् ।
सुकुन गाउँमा आएको बाढीमा २७ जना हराइरहेको र १३ जनालाई जीवितै उद्धार गरिएको छ । सो गाउँका सबै घर नष्ट भएका छन् भने एक हजार ४६० घरपरिवारलाई सुरक्षित ठाउँमा स्थानान्तरण गरिएको छ ।
स्थानीय सरकारले एक हजार दुई सय उद्धारकर्मी, २१ ओटा स्काभेटर चार ओटा पम्प र अन्य विभिन्न आपतकालिन उद्धार सामग्री उद्धारका लागि परिचालन गरिएको जनाएको छ ।
