अर्थ सरोकार संवाददाता
असोज ५ । नेपालका प्रधानमन्त्रीको बेढंगे व्यवहारका कारण एक चाइना पत्रिकाले ‘नेपाल रिक्स मिसिङ चान्स वीथ चाइना’ शीर्षकमा प्रचण्डले चीनलाई धोका दिएको जानकारी दिएको छ । अघिल्लो सरकारमा रहेका केपी ओली सरकारका पालामा चीनका राष्ट्रपति आउने कुरा भएता पनि प्रचण्ड प्रधानमन्त्री भए लगत्तै राष्ट्रपति नआउने कुराले पनि चीन रिसाएको हो भन्ने कुरा उल्लेख गरेको छ ।
पहिलो चोटी प्रधानमन्त्री बन्दा पुष्पकमल दाहाल प्रचण्डको विदेश भ्रमण चीनबाट थालेर जुन परम्परा थालेका थिए त्यसको आठ बर्षपछि त्यसलाई उसले निरन्तरता दिन सकेनन् ।
नेपालमा उनले आफ्नो भारत भ्रमण ऐतिहासिक रुपमा सफल भनेर आफ्नो हेडक्वाटरलाई रिपोर्टिङ गरिरेहका छन् भने यसै समयमा चीनले भने विज्ञमार्फत यो यात्राप्रति व्यंग्य प्रहार गरेको छ । प्रधानमन्त्री दाहालले भारतको बैठकमा सबैजसो भारतिय नेताले आफ्नो उच्च प्रशंशा गरको साथै दक्षिण एसियाली क्षेत्रमा भरपर्दो नेता तपार्इनै हो भन्दै हौसला बढाएको बताएका छन् ।
प्रधानमन्त्री तथा माओवादी अध्यक्ष पुष्पकमल दाहाललले भारतीय नेताहरुले तपाई जे भन्नुहुन्छ हामी त्यही अनुसार गर्न तयार छौ भन्ने बचन दिएको जानकारी दिएका छन् । त्यसैले उनले यो यात्रा सोचेको भन्दा बढी सफल भएको र भारतसंगको तिक्तता समाप्त भएको दाबी गरेका छन् ।
