अरु ठुला दल जस्तै सरकारमा सहभागी हुन साना दलका केही नेताहरुले कसरत सुरु भएको छ।सुरु गरेका । माओवादी केन्द्रका अध्यक्ष पुष्पकमल दाहाल नेतृत्वमा सरकार गठन भएको डेढ महिना बितिसक्दा पनि अझै चार ओटा मन्त्रालय रिक्त रहेकाले पनि पछिलो समय साना दलको दौडधुप बढेको हो ।
संयुक्त लोकतान्त्रिक मधेसी मोर्चा सरकारमा नआउने निश्चितजस्तै भएपछि साना दल र तिनका नेताहरु मन्त्री बन्न हतारिमा रहेको देखिन्छ । उनीहरुले दशैंअगावै आफूहरुलाई मन्त्री बनाउन आफु भन्दा ठुलो नेताहरुलाई दबाब दिइरहेका छन् । अहिले महिला तथा बालबालिका, खानेपानी तथा सरसफाइ र पशुपन्छी मन्त्रालयसहित चार मन्त्रालय खाली रहेकोछ ।
उपप्रधानमन्त्रीसहित एउटा महत्वपूर्ण मन्त्रालय पाएको खण्डमा आफै सरकारमा जाने, नपाए पार्टीबाट सरकारमा कसैलाई नपठाउने गच्छदारको भनाइले उनको पाटीभित्र चर्को विवाद भएको छ । अहिले राम्रो मन्त्रालय पाए सरकारमा जाने तयारी उसको छ ।
समाजवादी जनता पार्टीका अध्यक्ष प्रेमबहादुर सिंह, परिवार दलका अध्यक्ष एकनाथ ढकाल र बहुजन शक्ति फोरमका अध्यक्ष विसेन्द्र पासवान पनि सरकारमा जान निकै प्रयास गरिरहेका छन् ।
