काठमाडौँ – डाक्टर गोविन्द केसीले आफूअनुकुल व्यक्तिलाई डिन बनाउन दबाव दिएको खुल्न भन्दै बिहीबार डिन कार्यलयमा तालाबन्दी गरिएको छ ।

बरिष्ठताको आधारमा नियुत्ती गर्नुपर्ने र स्वच्छ छविको व्यत्ति डिन हुनुपर्नेमा कुनै व्यत्तिको स्वार्थ र माग पुरा गराउन डिन नियुत्ती गर्न लागेको भन्दै प्राध्यापकहरुले त्रिवि शिक्षण अस्पतालको चिकित्साशास्त्र अध्ययन संस्थान (आईओएम) कार्यालयमा तालाबन्दी गरेका हुन् ।

डीन नियुक्तिको विषयलाई लिएर असन्तुष्ट बनेका आईओएम प्राध्यापक समूहले डीन नियुक्तिमा व्यक्ति हाबी हुन नहुने भन्दै कार्यालयमा तालाबन्दी गरेको जनाएका छन् ।

गत फागुन २१ मा डा. राकेश श्रीवास्तवले राजीनामा दिएपछि शिक्षण अस्पतालको आईओएमको डीन पद रिक्त छ । विरोधमा उत्रिएकाहरुले केसीले डाक्टर जगदिश अग्रवाललाई डिन बनाउन खोजेको आरोप लगाएका छन् ।