काठमाडौं – प्रधानमन्त्री प्रचण्डले भारतको औपचारिक भ्रमण सुरू गर्दैगर्दा सत्तारुढ दल भारतीय जनता पार्टीका वरिष्ठ नेता भगतसिंह कोशियारीले कालापानी र लिपुलेकका विषयमा विवादास्पद अभिव्यक्ति दिएका छन् ।

भाजपा नेता कोशियारीले कालापानी र लिपुलेकबारे नेपालीहरूलाई धेरै चासो नरहेको भन्दै सीमित व्यक्तिले मात्र अनावश्यक बिबाद उठाउने गरेको उनले बताए ।

नेपालवाणी रेडियो नेटवर्कमा पत्रकार ऋषि धमलासँग बिहीबार बिहान कुरागर्दै भाजपा नेता कोश्यारीले कालापानी र लिपुलेकबारे ९० प्रतिशत नेपाली जनतालाई थाहा नभएको दाबी गरे । ‘९० प्रतिशत नेपाली जनतालाई कालापानी र लिपुलेकबारे थाहा छैन’, उनले भने, ‘धेरै नेपालीले त्यो स्थान देखेका पनि छैनन् ।’

प्रधानमन्त्री दाहालको भारत भ्रमणमा गएकै बेला लिपुलेक र कालापानी बारे भारतीय सत्तारुढ दल भाजपाका वरिष्ठ नेताले यस्तो विवादास्पद अभिव्यक्ति दिनु अर्थपूर्ण रहेको देखिन्छ ।