काठमाडौँ – हिन्दू र बौद्ध धर्मावलम्बीको आस्थाको केन्द्रविन्दु प्रसिद्ध धार्मिकस्थल मुक्तिनाथले वार्षिक रुपमा करिब  ६७ लाख रुपैयाँको आम्दानी गर्ने गरेको छ ।

मुक्तिनाथ विकास समितिले वार्षिक आयव्ययमा रसिद सहयोगबाट सबैभन्दा बढी ५२ लाख ११ हजार रुपैयाँ आम्दानी भएको सार्वजनिक गरेको छ । 

समितिका अध्यक्ष एवम् मुस्ताङका प्रमुख जिल्ला अधिकारी गणेशबहादुर अधिकारीका अनुसार सुन बिक्रीबाट १२ लाख सात हजार रुपैयाँ र बैंक ब्याजबाट तीन लाख ८० हजार रुपैयाँ गरी ६७ लाख रुपैयाँ आम्दानी भएको छ भने एक वर्षको अवधिमा १२ लाख ७७ हजार रुपैयाँ बिबिध खर्च भएको छ । 

कागबेनीमा पितृतर्पण र स्नानपछि अधिकांश भक्तजन मुक्तिनाथ पुग्ने गरेका छन् । त्यहा नेपालका साथै छिमेकी राष्ट्र भारतबाट समेत भक्तजन दर्शनका लागि आउने गरेका छन् ।