मङ्गलवार नेप्से परिसूचक शून्य दशमलव शून्य ८ प्रतिशतले घटेको छ । बजार खुलेदेखि बढेको बजार १ घण्टापछि भने ओरालो लाग्न थालेको थियो । २ घण्टाको व्यापारमा नेप्से परिसूचक १ दशमलव ४३ अङ्कले घटेर १ हजार ७ सय ५५ दशमलव ६७ विन्दुमा पुगेको हो । यस समयमा कारोबारमा आएको विकास बैङ्क समूहबाहेक सबै समूहको परिसूचक घटेपछि समग्र नेप्से परिसूचक आरालो लागेको हो । यस व्यापार अवधिमा १ सय १२ कम्पनीको रू। ३६ करोड ८७ लाख बराबरको शेयर कारोबार भएको छ ।
विकास बैङ्क समूहको परिसूचक शून्य दशमलव ४२ प्रतिशतले बढेको छ । त्यसैगरी, होटल समूहको परिसूचक १ दशमलव ३४ प्रतिशतले घटेको छ । साथै, ‘अन्य’ समूहको परिसूचक शून्य दशमलव ७४ प्रतिशत, वित्त कम्पनीको शून्य दशमलव २४, बीमाको शून्य दशमलव १९, बैङ्किङ र जलविद्युतको शून्य दशमलव शून्य ४ प्रतिशतले घटेको हो ।
