काठमाण्डौ – १५ लाखमा बन्ने एप्सलाई ७ करोड खर्च गरेको समाचार सार्वजनिक भएपछि घोटालाका नाइके भनेर बजारमा चर्चा कमाएका बुद्धि प्रसाद आचार्यलाई पछार्दै नेपाल टेलिकमको प्रबन्ध निर्देशकमा कामिनी राजभण्डारी नियुक्त भएकी छिन् । बिहीबार बसेको मन्त्रीपरिषद बैठकले टेलिकममा वरिष्ठ नायव प्रबन्ध निर्देशकको रुपमा कार्यरत राजभण्डारीलाई एमडी पदमा नियुक्त गरेको हो । 

टेलिकमका विभिन्न घोटाला काण्डमा नाम मुछिएका तत्कालीन प्रबन्ध निर्देशक बुद्धि आचार्यसहित १३ प्र्रतिस्पर्धीले उक्त पदमा आवेदन दिएका थिए । 

संचार मन्त्रालयका सचिव दिनेश थपलियाको संयोजकत्वमा गठित समितिले ६ बाट अन्तिम ३ नामको रुपमा सुनिल पोखरेल, मदन खरेल र कामिनी राजभण्डारीको नाम सिफारिस गरेको थियो । सिफारिस ३ नामबाट मन्त्रीपरिषदले कामिनीलाई नियुक्त गर्ने निर्णय गरेको हो ।