पूर्व प्रधानमन्त्री केपी शर्मा ओलीले भारत भ्रमणका बेला बर्थ डे मनाउँदा ६ लाख रुपैयाँ ऋण लागेको खुलेको छ । 

६ महिना पहिले पूर्व प्रधानमन्त्री ओलीले भारत भ्रमणका बेला नयाँ दिल्लीको ताज होटलमा केक काटेर बर्थ डे (जन्मदिन) मनाउँदा करिब ६ लाख रुपैयाँ ऋण लागेको खुलेको हो ।

अहिले भारत भ्रमणमा रहेका प्रधानमन्त्री प्रचण्डलाई दिल्ली स्थित ताज होटलले बस्न नदिने भनेका थियो । त्यसको कारण खोज्दा ओलीले जन्मदिन मनाउँदा नतिरेको ऋण ।

सो ऋण बेलैमा नतिर्दा होटलले प्रचण्डको भ्रमण टोलीका सदस्यलाई बास नदिने चेतावनी दियो । तर, नेपाली दूतावासले प्रचण्डको दिल्ली आउनुभन्दा एकसाता पहिले मात्र ओली सरकारले लगाएको ऋण तिरेको हो ।

ओलीको भ्रमणका बेलामा ताज होटलको भोजका लागि १६ लाख रुपैयाँ बजेट छुट्याइएको थियो, दूतावासका अधिकारीले भने, ‘तर, उहाँको बर्थडे केक काट्ने भएपछि पाहुनाहरु थपिए र थप ५ लाख ६० हजार खर्च भयो ।’

त्यसबेला केक काट्दा थपिएको ऋण तिर्ने बजेट अभावका कारण ६ महिनासम्म पैसा तिर्न नसकिएको ती अधिकारीले बताए । ओलीका पालामा ताज होटलमा कुल २१ लाख ६० हजार रुपैयाँ तिरिएको दूतावास स्रोतको भनाइ छ ।