काठमाडौँ – गृहमन्त्री विमलेन्द्र निधिले प्रधानमन्त्री पुष्पकमल दाहाल ‘प्रचण्ड’ को एउटा प्रस्तावको विपक्षमा देखिएका छन् ।
त्रिशुलीमा भएको जीप दुर्घटनामा हराइरहेका पूर्वगृहमन्त्री माधव घिमिरे र उनका दुई भाइको खोजिकार्यामा लागि बंगलादेशबाट गोताखोर ल्याउने प्रधानमन्त्रीको प्रस्तावको गृहमन्त्रीले अर्को विकल्प देखेका हुन् ।
मंगलबार बिहान दुर्घटनास्थल घोप्टेभिर पुगेर निरीक्षण गरेपछि गृहमन्त्रीले घिमिरेलगायतकाको खोजिकार्यका लाति गोताखोर आवश्यक नपर्ने बताएका हुन् ।
प्रधानमन्त्रीले गोताखोर ल्याउन प्रक्रिया अघि बढाउन निर्देशन दिएको विषयमा संचारकर्मीले जिज्ञासा राखेपछि गृहमन्त्री निधिले नेपालको नदीनालाबारे नेपाली सुरक्षाकर्मी र माझी बढी जानकार रहेको बताउँदै गोताखोरको आवश्यकता नपर्ने बताए ।
दुई सुरक्षा निकायका प्रमुखसहित घोप्टेभिर पुगेका निधिले नेपालको नदीनालाको बारेमा गोताखोर भन्दा नेपाली सुरक्षा निकायलाई बढी जानकारी भएकाले उनीहरुलाई नै खोजीकार्यमा लागाउनु प्रभावकारी हुने बताए ।
सोमबारमात्र घटनास्थल पुगेका यातायातमन्त्री रमेश लेखकसँग कुरा गर्दै प्रधानमन्त्री प्रचण्डले बंगलादेशबाट गोताखोर ल्याएरै भएपनि घिमिरेको खोजीगर्न निर्देशन दिएका थिए ।
गोताखोरले पानीभित्र हराइरहेका मानिस र गाडी पत्ता लगाउँछ ।
- काठमाडौँ टुडे
