- अर्थ सरोकार संबाददाता
५ असोज । अनुमति बिना अवैध रुपमा मदिराको कारोबार गर्दैआएका कञ्चनपुरको भीमदत्त नगरपालिका–११ का दुईजनालाईे जरिवाना तिराइएको छ ।
मङ्गलबार साँझ आन्तरिक राजस्व कार्यालय कञ्चनपुर र इलाका प्रहरी कार्यालय गड्डाचौकीको संयुक्त टोलीले पसलमा छापा मारी लक्ष्मण ऐरी र मुकेश पैतलालाई जनही रु पाँच–पाँच हजार जरिवाना तिराइएको हो ।
जिल्ला प्रहरी कार्यालय कञ्चनपुरका प्रहरी उपरीक्षक तुलसीप्रसाद अधिकारीका अनुसार पसलमा अवैध रुपमा बिक्रीका लागि राखिएको विभिन्न ब्रान्डका ५६ थान मदिरासमेत जफत गरी आन्तरिक राजस्व कार्यालयमा बुझाइएको छ ।
अनुमतिबिना मदिरा बिक्री–वितरण गर्दै आएका पसलको निरन्तर अनुगमन गरी कारबाही अघि बढाइने प्रतिवद्धता उहाँले व्यक्त गर्नुभएको छ ।
