पार्टी सभापति शेर बहादुर देउवाबाट एक पछाडि अर्को घात भोगिरहेको कांग्रेस बरिष्ठ नेता रामचन्द्र पौडेल आइ्र्रतबार थकाई र पीडालाई केही हद सम्म हटाउन तिब्बतमा पर्ने  मानसरोवर जाने निर्णय गर्नुभएको छ ।

सबैतिरबाट असहयोग र पीडा भोगेका पौडेल फ्रेस हुनका लागि भोली आइतवार देखि कैलाश मानसरोवर जाने तयारीमा  लागेका छन् । यसका लागि संस्कृति, पर्यटन तथा नागरिक उड्ययन मन्त्री जीवनबहादुर शाहीले उनको लागि काठमाडौंदेखि सिमीकोट र सिमीकोटदेखि हिल्सा हुँदै तिब्बतमा पर्ने मानसरोवरको दर्शनमा जाने व्यवस्था मिलाइदिएका छन् ।

पौडेलको आग्रहमा शाहीले उनलाई हवाइ र हेलिकप्टरको टिकटको व्यवस्था गरिदिएका हुन् ।  तिब्बतमा भए कैलाश मानसरोवरमा हिन्दु धार्मिक धर्मावलम्बीहरुको जाने गरेका छन ।पौडेल आफ्नो परिवारसहित पौडेल पनि मानसरोवर जान लागेका हुन् ।

गत १३ औं महाधिवेशनको धोखाधडीको नियति नेविसंघ र महिला संघमा पनि देखियो । उस्तै प्रकृतिको असहयोगले गर्दा पौडेलले यी दुवै संगठनमा नेतृत्वमात्र गुमाएनन् । साख जोगाउन पनि धौधौ नै पर्न पुग्यो । त्यसैले यी सबै हारको पीडाबाट थोरै भए पनि रिफ्रेस हुनका लागि पौडेललाई केही दिनको काठमाडौं बाहिरको राजनीतिकभन्दा बाहिरी संसारको माहोलले राम्रो काम गर्न सक्छ ।

पार्टीमा कहिल्यै पनि गुटबन्दी गर्न नखोजेका र नभएका पौडेललाई यस्तो नहुनु नै अहिले आएर घाटामा र पछाडी पार्ने ‘फ्याक्टर’ देखिएको छ ।

स्मरणीय छ,यस अगाडि प्रचण्डको धोखाधडीबाट प्रताडित भएर पूर्व प्रधानमन्त्री वावुराम भट्टराईले समेत सपरिवार मानसरोवर पुगेर फर्किएका थिए ।