">
एजेन्सी– चीनको स्पेस कार्याक्रमलाई निकै ठूलो झड्का लागेको छ । चीनको पहिलो स्पेस स्टेसन तियोगयोग–१ नियन्त्रणभन्दा बाहिर गएर पृथ्वीतर्फ अघि बढीरहेकाले उसलाई यस्तो झड्का लागेको हो ।
सो सँगै ८.६ टनको यस स्पेस स्टेशन २०१७ सम्म पृथ्वीमा आइपुग्ने छ । चिनियाँ वैज्ञानिकले भने यो पृथ्वीमा प्रवेश गर्नासाथ जल्ने बताएका छन् ।
वैज्ञानिकका अनुसार यो पृथ्वीको कुन क्षेत्रमा झर्छ भन्ने अनुमान लगाउन मुस्किल छ ।
यस स्पेस स्टेशनको चीनले अन्तरिक्ष क्षेत्रमा पावरफूल बन्नका लागि २०११ मा लन्च गरेको थियो । मानवरहित यस स्पेसले आफ्नो लक्ष्य भने पुरा गरिसकेको छ । केही प्राविधिक समस्याका कारण वैज्ञानिकले यसमा आफ्नो नियन्त्रण गुमाएको बताइएको छ ।
१७ फिट लामो र ११ फिट चौडाइ रहेको यो स्पेश २०१७ को मध्यतिर पृथ्वीमा झर्न सक्ने छ ।
