">
काठमाडौँ – यस वर्षको दशैंको टीकाको उत्तम साइतआज पञ्चांग निर्णायक समितिको सार्वजनिक गरेको छ । कोजाग्रत पूर्णिमाको दिनसम्म टीका लगाउन सकिने र यस वर्षको दसैँको टीकाको उत्तम साइत असोज २५ गते बिहान पौने ९ बजे रहेको नेपाल पञ्चांग निर्णायक समितिले जनाएको छ ।
बिहान ८ बजेर २५ मिनेटमा देवी विर्सजनको उत्तम साइत र ८ बजेर ४५ मिनेटमा टीकाको उत्तम साइत रहेको नेपाल पञ्चाङ निर्णायक समितिका अध्यक्ष प्राध्यापक रामचन्द्र गौतमले बताउनुभयो ।
उत्तम साइत पौने ९ बजे भनेपनि कोजाग्रत पूर्णिमाको दिनसम्म जतिबेला पनि टीका लगाउन सकिने उहाँले बताउनुभयो ।
अरु ठाउँमा पूर्णिमासम्म टीका लगाइएपनि धेरै ठाउँमा भने विजया दशमीको दिन मात्र टीका लगाउने चलन रहदै आएको छ । आगामी १५ गते घटस्थापना सुरु भई २५ गते विजया दशमी र २९ गते कोजाग्रत पूर्णिमाका दिन यसवर्षको दसैँ सकिनेछ ।
