काठमाडौं – कांग्रेसका नेताहरुलाई करोडौको गड्डी बुझाएर मनोनित सांसद चुनिएका शिक्षाका नामुद व्यापारी उमेश श्रेष्ठ एक पछाडि अर्काे गलत धन्दा बाहिरिनेक्रम जारी छ ।

उनै नामुद व्यापारी उमेश श्रेष्ठ द्धारा सञ्चालित लिटिल एन्जल कलेजमा शैक्षिक कार्यक्रम नै अवैद्यानिक भएको भेटिएको छ ।

विगत पाँच वर्षदेखि उमेश श्रेष्ठद्वारा सञ्चालित लिटिल एञ्जेल्स कलेजमा बिएस्सी नर्सिङ, बिएन, बिपिएचलगायत चार वटा शैक्षिक कार्यक्रम सञ्चालित छन् ।

नियमानुसार यस्ता कार्यक्रम सञ्चालन गर्न आफ्नै सुविधासम्पन्न अस्पताल, प्रयोगशाला र उपकरण चाहिन्छ । यस अलावा यस्ता कार्यक्रम चलाउन अस्पतालको नाममा सय रोपनी जग्गा हुनु पर्छ ।

तर, यो कार्यक्रम लिटिल एन्जलमा घुँसाउदा अहिले माओवादीका लागि ‘गलगाँड’ साबित भएको जनमैत्री अस्पतालको नाममा सम्बन्धन लिइएको रहस्य खुलेको छ । एउटाको नाममा सम्बन्धन लिएर अर्काेले कार्यक्रम चलाउनु आफैंमा गैरकानुनी हो ।

एकातिर उमेश श्रेष्ठले अरुका (जनमैत्री) नाममा सम्बन्धन लिएर शैक्षिक कार्यक्रम चलाइरहेका छन् । अर्काेतिर, जसको नाममा यो कार्यक्रम चलाउने सम्बन्धन लिइएको थियो सोही अस्पताल नै विगत ६ महिनादेखि बन्द छ ।

अहिले माओवादीको लागि घाँडो भएको जनमैत्री अस्पताल उनै उमेश श्रेष्ठहरुले जर्नादन शर्मा प्रभाकरहरुलाई प्रभावमा टाँसो लगाएका हुन ।

शिक्षामन्त्री दिनानाथ शर्मा र एक्टिङ डिन रतेन्द्र श्रेष्ठ भएको समयमा उनै उमेशले जनमैत्री अस्पतालको नाममा सम्बन्धन लिएर लिटिल एन्जल कलेजमा बिएस्सी नर्सिङ,विपिएच,विएन लगायतका चारवटा कार्यक्रम चलाँउदै आएकाहुन ।

सम्बन्धन जनमैत्री अस्पतालको नाममा लिएर उमेशले चतु¥याइँपूर्वक यो कार्यक्रम एलएमा घुसाएको रहस्य फेला परेको छ । यसबापत मुनाफाको केही प्रतिशत जनार्दन शर्माहरूकोमा उमेशले टक्र्याउँदै आएका सोही अस्पतालका एक जना पूराना लगानीकर्ताले एसकाठमाडौंसँग बताएका छन ।

नियम, कानुन बनाउने ठाउँमा रहेका सांसद श्रेष्ठले नियम, कानुन यसरी मिचिरहँदा यसको वैधानिकता हेर्नुपर्ने त्रिवि,नर्सिङ काउन्सिलले भने उनी उपर कुनै कारवाही गर्न सकेकोछैन ।