काठमाडौँ – नेपाल नागरिक उड्डयन प्राधिकरणका महानिर्देशक, निर्देशक तथा मन्त्री(नेताहरु दसैं मनाउन विदेश गइरहे पनि आफूहरुले दसैं खर्च नपाएको भन्दै मजदुरहरुले त्रिभुवन विमानस्थल ठप्प पार्ने चेतावनी दिएका छन्।

नेपाल हवाइ प्राधिकरणमा कार्यरत ४ सय मजदुरहरुले आफूहरुको समस्याबारे सुनुवाइ नभएको भन्दै यस्तो चेतावनी दिएका हुन्।

प्राधिकरणका प्रमखु र नेताहरु पनि दसैं मनाउन विदेश गइरहेको तर श्रमिकप्रति सरकार र प्राधिकरणले नै बेवास्ता गरेको उनीहरुको गुनासो छ। ‘मजदुरहरुले यस विषयमा बारम्बार कुरा राख्दा पनि सम्बन्धित निकाय कानमा तेल हालेझैं गरेर मौन बस्ने गरेको छ,’ नेपाल ट्रेकिङ ट्राभल्स र्‍याफ्टिङ एयरलाइन्स मजदुर युनियन युनिट्राभका महासचिव सुमनप्रसाद पराजुलीले जारी गरेको विज्ञप्तिमा भनिएको छ, ‘ठेकेदार कम्पनीहरु यो आफ्नो काम नभएको भन्दै पन्छिने गरेका छन्।’

पर्यटन मन्त्रालयका सचिव शंकरप्रसाद अधिकारीलाई सम्पर्क गरेर समस्याबारे जानकारी गराउँदा पनि पन्छिने गरेको पराजुलीले बताएका छन्।
एयरपोर्टको सुधारका लागि भन्दै युनिट्राभले यसअघि पनि ध्यानाकर्षण गराउँदै आएको थियो।

‘मजदुर मारेर एयरपोर्ट चलाउनुको आवश्यकता नरहेको हाम्रो ठहर छ,’ विज्ञप्तिमा थप भनिएको छ, ‘आफूले पाउनुपर्ने रकम तथा सुविधा समयमै उपलब्ध होस्। नभए एकमात्र एयरपोर्ट ठप्प पार्नेसम्मको कदम चाल्न बाध्य हुनेछौं।’

यस्ता छन् आन्दोलनका कार्यक्रम