काठमाण्डौ-  यतिबेला लोकमानसिंह कार्की प्रकरण उत्कर्षमा छ । ठूला भ्रष्टाचार काण्डमा नेताहरुको संलग्नता सम्बन्धी फाइल अगाडि बढाउन खोजेपछी चौतर्फी राजनीतिक घेराबन्दीमा परेका लोकमानसिंह कार्की निलम्बनमा परेपनि अखित्यारले दुइ ठूला भ्रष्टाचार काण्डको फाइल खोलेको छ । 

अख्तियार दुरुपयोग अनुसन्धान आयोगका निमित्त प्रमुख दीप वस्नेतको अगुवाईमा एमाले र माओवादी नेताहरुको संलग्नतामा  भएका ठूला भ्रष्टाचार काण्डको फाइल झिकिएको खबर अर्थ सरोकार डटकमलाई प्राप्त भएको छ । अर्थ सरोकार डटकमलाई प्राप्त जानकारी अनुसार एमाले र माओवादीका शीर्ष नेतासहितको संलग्नतामा मनमोहन कलेज र लडाकू शिविर भ्रष्टाचार प्रकरणमा भएको अरबौंको भ्रष्टाचार काण्डको फाइल अगाडि बढाउने सबै तयारी आयोगका निमित्त प्रमुख वस्नेतले  पूरा गरेका छन् । 

यसअघि सत्तासमीकरण नै परिवर्तन, अव के हुन्छ ?

यसअघि यहि प्रकरणको फाइल अगाडी बढाउन खोज्दा भारतको डिजाइनमा सट्टा परिवर्तन भएको जानकारहरु बताउँछन् । हालका प्रधानमन्त्री प्रचण्ड, नेता कृष्णबहादुर महरा लगायतको संलग्नतामा भएको अरबौंको भ्रष्टाचार प्रकरणको फाइल यसअघि अख्तियारले खोल्न खोजेपछि आफुलाई जोगाउन माओवादी नेता कृष्णबहादुर महरा भारतको शरणमा पुगेको सरोकारवालाहरुको दावी छ । अहिले पुन: उक्त प्रकरणको फाइल अख्तियारले झिक्ने भएपछी दर्जनौं माओवादी तथा एमाले नेताहरु जेल जान सक्ने देखिएको छ ।  

अख्तियार स्रोत भन्छ, ‘लोकमान रहुन् वा नरहून्, भ्रष्टाचारीहरुलाई छाडिन्न’ 

यता अख्तियार स्रोतले भने लोकमान सिंह कार्की रहे वा नरहेपनि भ्रष्टाचारीलाई नछाडिने बताएका छन् । अर्थ सरोकार डटकमसँग कुराकानी गर्दै अख्तियारका एक अधिकारीले बहने ‘अब एकदुई दिनमै खोलिएका फाइलसम्बन्धी मुद्धा विशेष अदालतमा दायर हुनेछ । लोकमान रहून् या नरहुन्, तर राजनीतिक आवरणमा अरबौंको ब्रम्हलुट गर्नेहरुलाई छाडिन्न ।’