- अर्थ सरोकार सम्बातादाता
पाँचथर र ताप्लेजुघको आयोजना प्रभावित स्थानिय बासिन्दालाई १५ लाख कित्ता शेयर बिवरण गरि सकेको आयोजनाले आर्थिक वर्ष ७३ ७४ मा पिपि ए सक्ने लक्ष्यका साथ सम्झौता भएको छ । नेपाल धितोपत्र बोर्डबाट स्वीकृति पाएपछि अरुण काबेली पावर लिमीटेडले सर्वसाधारणका लागि आगामी कात्तिक ९ गतेदेखि ३० करोड रुपैयाँ बराबरको ३० लाख कित्ता सेयरको प्राथमिक निश्कासन आइपीओ गर्ने भएको छ । कात्तिक ९ गतेदेखि इच्छुक लगानीकर्ताले एसी पे चेकमार्फत अरुण काबेलीको आइपीओका लागि आवेदन दिन सक्नेछन् ।
अरुण काबेलीले १ सय रुपैयाँ अंकित मूल्यको आइपीओ छिटोमा कात्तिक १२ गतेभित्र र त्यसबेलासम्म पनि माग अनुसारको आवेदन नपरे ढिलोमा २३ गतेसम्म आवेदन दिन सकिने जनाएको छ ।
लगानीकर्ताले प्रतिकित्ता न्यूनतम ५० कित्तादेखि अधिकतम १५ हजार कित्तासम्मका लागि आवेदन दिन पाउने व्यवस्था मिलाइएको छ । इक्रा नेपालले अरुण काबेलीको आइपीओलाई ग्रेड फोर प्लसको रेटिङ प्रदान गरेको छ । यसको अर्थ कम्पनीको अवस्था सन्तोषजनक नरहेको भन्ने हो । आइपीओको निश्कासन तथा व्यवस्थापनका लागि बिक्री प्रबन्धकको काम सिद्धार्थ क्यापिटलले गर्ने बताइएको छ ।
सिद्धार्थ क्यापिटलका अनुसार कुल निश्कासनहुनेमध्ये ३ प्रतिशत कर्मचारीका लागि र ५ प्रतिशत म्युचुअल फण्डहरुका लागि छुट्याइएको छ । कम्पनीले पाँचथर र ताप्लेजुङ जिल्लाको सिमा भएर बग्ने कावेली नदीमा २५ मेगावाटको कावेली बी–१ परियोजना निर्माण गरिरहेको छ । प्रतिमेगावाट १६ करोड रुपैयाँका दरले चार अर्ब रुपैयाँमा निर्माण पूरा गर्ने कम्पनीले जनाएको छ ।
आइपिओ बाँडफाँड पश्चात कम्पनीको चुक्तापूँजी एक अर्ब ५० करोड रुपैयाँ पुग्नेछ । कम्पनीमा त्यसपछि संस्थापक समूहको ७० आयोजना प्रभावित बासिन्दाको १० प्रतिशत र सर्वसाधारणको २० प्रतिशत सेयर स्वामित्व कायम हुनेछ ।
कम्पनीका एक अधिकारीका अनुसार आयोजना निर्माणकै क्रममा रहेको हुँदा प्रतिफलका लागि भने लगानीकर्ताले केही समय कुर्नु पर्ने हुन्छ ।
कहाँ–कहाँबाट दिन सकिने छ आवेदन :-
अरुण काबेलीको आइपीओका लागि सिद्धार्थ क्यापिटलको कार्यालय, थापाथलीको ट्रेड टावर स्थित अरुण कावेलीको कार्यालय र सिद्धार्थ बैंकका सबै शाखाबाट आवेदन भर्न सकिन्छ ।
१ . सिद्धार्थ क्यापिटल लिमीटेड, सम्पर्क व्यक्ति(सविन बुढाथोकी, सम्पर्क स् ०१(४२२६७९३
२. अरुण काबेली पावर लिमीटेड, टेड टावर नेपाल, थापाथली काठमाण्डौ । सम्पर्क व्यक्ति(सिर्जना खड्का, सम्पर्क फोन ०१(५१११०८५
३. सिद्धार्थ बैंकका उपत्यकाभित्र र बाहिरका सबै शाखा कार्यालयहरु । सम्पर्क व्यक्ति(विञ्जल श्रेष्ठ । सम्पर्क फोन स् ०१(४४४२९१९, ४४४२९२०
