लोकमान सिंह कार्कीले गभ्भीर प्रकृतिको भष्ट्रचारका मुद्धाहरु तामेलीमा राख्दै भष्ट्रचारीहरुलाई उन्मुक्ति दिने गरेको भेटिएको छ ।
यसरी शंकास्पद फाइल तामेलीमा राखी वार्गेनिङ गर्ने प्रमुख आयुक्त लोकमानसिंह कार्कीलाई सघाउनेमा अर्काे आयुक्त राजनारायण पाठक रहेको भेटिएको छ ।
जस्तोः धोबीखोला करिडोर आयोजनाको भ्रष्टाचार उजुरी छानबिनमा काठमाडौं उपत्यका विकास प्राधिकरणका तत्कालीन जिल्ला आयुक्त भाइकाजी तिवारीसहितका केही प्राविधिक मुछिएका थिए ।
त्यस्तै २०७१ फागुनमा एन्फा अध्यक्ष गणेश थापाविरुद्धको उजुरी तामेलीमा राखिएको थियो । निजी विद्यालयका ठूलो लगानीकर्ता रहेका र विभिन्न दलबाट सांसद भएका गीता राणा, बाबुराम पोखरेल र उमेश श्रेष्ठविरुद्ध अख्तियारले गैरकानुनी सम्पत्ति आर्जनको उजुरी छानबिन थालेको थियो । निकै होहल्ला र प्रचारबाजीका साथ छानबिन सुरु गरिएका फाइल बीचैमा बन्द भए । ‘यसबीचमा ठूलो आर्थिक चलखेलको सूचना आएका थिए,’ आयोग सम्बद्ध स्रोतले भन्यो ।
चुनावी सरकारका पालामा भौतिक पूर्वाधार तथा यातायात, सहरी विकास र सिँचाइ मन्त्रालय सम्हालेका पूर्वमन्त्री छविराज पन्तलाई समेत गैरकानुनी सम्पत्ति आर्जनको उजुरी छानबिनका क्रममा निकै धम्क्याइएको स्रोत बताउँछ ।
माओवादी केन्द्रका नेता एवं मन्त्री कृष्णबहादुर महरामाथि प्रारम्भिक छानबिन नहुँदै प्रचारबाजी गरेको अख्तियारले उजुरी तामेलीमा राखेको छ ।
विशालबजार कम्पनीमा भएको अनियमिततामा सञ्चालक समितिकै केही व्यक्तिमाथि मुद्दा चल्दा केहीलाई भने रहस्यमय ढंगले जोगाइएको छ । भूमिसुधारमन्त्री विक्रम पाण्डेविरुद्ध पनि अख्तियारले प्रारम्भिक अनुसन्धान गरी मुद्दा तामेलीमा र्पुयायो ।
त्रिभुवन विश्वविद्यालयको चिकित्साशास्त्र अध्ययन संस्थान (आईओएम) का पूर्वडीन अरुण सायमीविरुद्धको उजुरी पनि यसैगरी तामेलीमा र्पुयाएको थियो । दूरसञ्चार प्राधिकरणका अध्यक्ष दिगम्बर झाविरुद्धको उजुरी पनि तामेलीमा पठाइएको छ ।
कतिसम्म भने गैरकानुनी सम्पत्ति आर्जनका उजुरीमा परेका नेपाल मेडिकल काउन्सिलका रजिस्ट्रार नीलमणि उपाध्याय अख्तियारमा स्वास्थ्य सल्लाहकार बनाइयो ।
यता,२०७१ चैत १६ को निर्णयले मेडिकल काउन्सिलका पूर्वउपाध्यक्ष शशि शर्माविरुद्धको उजुरी पनि तामेलीमा पठाइदियो ।
- एस काठमाडौं
