काठमाडौं – शुक्रबार हिमानीको ४० औं जन्मदिनका अवसरमा  पूर्वयुवराज पारस शाह र पूर्वयुवराज्ञी हिमानी शाह सोल्टी होटलको बारमा हात समातेर छमछम नाचेक थिए । धेरै समय अघिदेखि यी जोडी छुट्टा छुट्टै बस्दै आएका छन् । 

पारस र हिमानीलाई नचाउने योजना पाहुना र छोरीको थियो, अन्त त छोरीको योजना सफल भयो ।

सुनाकोठीबाट सोल्टी पुगेका पारस र निर्मल निवासबाट सोल्टी होटल पुगेकी हिमानी झण्डै चार बर्षपछि एकै ठाउँमा बसेर जन्मदिन मनाएका छन् । पत्नी सोल्टी पुग्नुभन्दा अगावै पारस पुगिसकेका थिए। नेपाली धुनसँगै सुरु भएको रात्री भोजको नाचगान राति १० बजेबाट सुरु भएको थियो। पूर्वराजपरिवारका अधिकांश सदस्यको उपस्थिति रहेका थिए ।

सोल्टी होटलले निर्माण गरेको केक काटेर सुरूवात गरिएको पार्टीमा पारसले मदिरा सेवन गरेनन् । केक काट्दा पति पारस, पूर्वराजा ज्ञानेद्र, पूर्वरानी कोमल र उनका नाती नातिना सँगै थिए। 

डान्स पार्टी सुरू भएपछि सबैले नेपाली गीतमा नाचगान गरेका थिए। नाच सुरू हुनासाथ पारस र हिमानीलाई हात समाएर नचाइएको थियो। हिमानी र पारस दुबैले नाचमा सबैले ताली बजाएका थिए।