काठमाण्डौ – मलुककने समृद्धिका लागि म कपहले चीनतिर त कहिले भारततिर ढल्किन्छ् तर म कहिले पनि ब्यक्तिगत स्वार्थका लागि  ढल्किने गरेको होइन समग्र मुलुकको हितको लागि त्यसो गर्ने गर्छु । मुलुकमा राजनीतिक स्थायित्व र आर्थिक समृद्धि भएपछि मात्र देशले सन्तुलित परराष्ट्र सम्बन्ध राख्न सक्छ । त्रिदेशीय साझेदारीले नेपालको समृद्धि र परराष्ट्र सम्बन्धमा समेत सन्तुलन ल्याउनेछ ।

यही चैतमा स्थानीय निर्वाचन गर्न  लागि नै अग्रसर भैरहेको छु । आगामी चैतमा पहिले स्थानीय निर्वाचन गर्नुपर्छ । त्यसपछि सम्भव भए केन्द्रीय र संघीय प्रादेशिक निर्वाचन एकै पटक गर्नुपर्छ भन्ने मेरो मान्यता छ । यो भन्दा अन्यथा तिर सोच्नुहुन्न त्यसले गडबढ गर्छ ।

पार्टीहरूबीच समझदारी जुटाएर निर्वाचनमा जानका लागि संविधान संशोधन आवश्यक रहेको छ । मधेसलाई पनि सहमतिमा ल्याएर कुनै न कुनै रूपमा संविधान संशोधन गर्नु आवश्यक छ । त्यसका लागि गृहकार्य भइरहेको छ। संविधान संशोधननमा सीमांकन सबैभन्दा जटिल विषय रहेको छ । झापा, मोरङ, सुनसरी, कैलाली र कञ्चनपुरमा चलाउन सकिदैन तर, कांग्रेस र एमालेले पहिले प्रस्ताव गरेको सात प्रदेशको वरिपरी सहमति बन्न सक्छ ।

अहिले हामी महाभियोगको विषयलाई टुंगोमा पुर्याउने विषयमा तीन प्रमुख दलको शीर्ष नेताको स्पिरिट मिलेको छ । बालुवाटारमा बसेको बैठकबाट उत्साहित बनेका छौं । हामी तीन नेताबीच धेरै सकारात्मक कुराहरू भएको छ । संविधान संशोधन गर्ने, निर्वाचन गराउने र महाभियोगको विषयलाई टुंग्याउने लगायतका विषयमा विस्तृत र सकारात्मक छलफल गरेका छौ।