काठमाडौँ – देश चलाउने मन्त्रीलाई नै एयरपोर्टमा तनाव ? झट्ट सुन्दा पत्यार नलाग्ला । तर,नियती नै उस्तो हो वा के भएर हो ? शेर बहादुर देउवाका विश्वाशपात्र एंव प्रचण्ड मन्त्रीमण्डलका परराष्ट्रमन्त्रीले व्योहोरेको तनाव हो यो ।

परराष्ट्र मन्त्रीको हैसियतले डाक्टर प्रकाशशरण महत मन्त्री बने यता दुई पटक विदेश पुगेर फर्किए । तर दुबै पटक विमानस्थलमा उनले तनाव व्योहर्नुपरेको छ ।

पहिलोपटक प्रधानमन्त्री पुष्पकमल दाहाल प्रचण्डको भ्रमणको पूर्व सन्ध्यामा भारत गएर फर्किने क्रममा नेपाल एयरलायन्सको बिमानको टायर पड्किएर ठूलो दुर्घटनाबाट जोगिएको थियो । त्यतिबेला उनले नेपाल बायुसेवा निगमका पदाधिकारीसँग आक्रोश पोखेका थिए ।

त्यसपछि प्रधानमन्त्री सँगै भारत गएका परराष्ट्रमन्त्री महत संयुक्त राष्ट्रसंघको ७१ औं महासभामा भाग लिन उतैबाट अमेरिका पुगे । अमेरिकाबाट हिजो विहान फर्कने क्रममा पनि उनले फेरि तनाव ब्यहोर्नुपर्यो । परराष्ट्रमन्त्री महत चढेको टर्कीस एयरको विमान नेपाली आकाशमा प्रवेश गरेर अवतरण गर्ने बेला विमानस्थलको धावन मार्ग ममर्तका लागि भन्दै एक् घण्टा विमानस्थल बन्द भयो ।

कतिपय विमानलाई अन्यत्रै डाइभर्ट गरियो भने मन्त्री महत चढेको विमानले नेपाली आकाशमै एक घण्टा फन्को मारिरह्यो । विहान साढे ६ बजे अवतरण गर्नुपर्ने विमान ८ बजे मात्रै अवतरण गरेको थियो ।