• अर्थ सरोकार सम्बाददाता 

’उहाँ दाहालसँग मेरो भूमिगतकालदेखि नै सम्बन्ध छ, मैले कसरी लोकमानको बचाउ गर्न सक्छु र किन गर्नेरु यो त ठूला नेताको कुरा हो,’ सिंहले भने । उनले आफ्नो र दाहालबीच भएको भेटमा राजदूत रे सँगै नभएको दाबी समेत गरे ।

राजदूत रे र सिंहको सक्रियतापछि प्रधानमन्त्री दाहाल समेत लोकमानको सुरक्षित अवतरणका पक्षमा उभिएको संकेत देखिएको छ । बिहीबार एमाले नेता नेपाललाई सिंहदरबार र कांग्रेसका नेता कृष्णप्रसाद सिटौलालाई बालुवाटारमा भेटेका प्रधानमन्त्री दाहालले नयाँ कोणबाट लोकमान प्रकरणको निकासका विषयमा छलफल गरेका छन् ।

प्रधानमन्त्री दाहालका प्रेस सल्लाहकार गोविन्द आचार्यले भने प्रधानमन्त्री र भारतीय राजदूतबीच कुनै भेट नभएको दाबी गरे। उनले योबीचमा आफू प्रधानमन्त्री दाहाल सँगै रहेको र कुनै भेट नभएको बताए । उनले भने, ’अनौपचारिक रूपमा माधव नेपाल र कृष्ण सिटौलासँग भेट भएको हो, हामीसँगै छौं, तपाईंले भनेका कसैसँग भेट भएको छैन ।’