खोटाङ- भूमिसुधार मन्त्री विक्रम पाण्डेको कम्पनीले पाएको दुधकोशी नदीको पुल बनाउने ठेक्का पाएकोमा ठेक्का पाएको ८ बर्ष वितिसक्दा पनि पुल नबनेको तथ्य सार्वजनिक भएको छ । 

विसं.२०६६ सालमा कालिका–हुलास जेभी कम्पनीले दुई वर्षभित्र सक्ने गरी सम्झौता  गरेका थिए । पक्की पुल निर्माणको ठेक्का कालिका कन्ट्रक्सन र गोल्छा अर्गनाइजेसनको हुलास कम्पनीले लिएको हो । जसमध्ये कालिका कन्ट्रक्सन भूमिसुधार मन्त्री विक्रम पाण्डेको कम्पनी हो ।

ढिलाइका कारण करिब रु १० करोडको लागतमा सम्पन्न हुनुपर्ने पुलमा रु १८ करोड लगानी भइसकेको छ । भने पुल नहुँदा निर्माणाधीन मध्यपहाडी लोकमार्गलगायतका जिल्लाका विभिन्न सडक निर्माणमा समस्या भएको छ ।  दिक्तेलदेखि हलेसीसम्मको सडक (४२ किलोमिटर) एसियाली विकास बैंकको रु ८७ करोडको लागतमा अढाइ वर्षमा सकिनुपर्नेमा अहिलेसम्म पनि बन्न सकेका छैनन् ।

यसअन्तर्गत १ नम्बर प्याकेजको सूर्य कन्स्ट्रक्सन, २ र ३ नम्बर प्याकेजको त्रिशूली–नागार्जुन जेवी कन्ट्रक्सनले ठेक्का लिएको छ ।