काठमाण्डौ – भारतीय राष्ट्रपति प्रवण मुखर्जी नेपाल भ्रमणमा आँउदा सार्वजानिक विदा दिएर भारतसँग लम्पसार परेको नेपाल सरकारले चीनका प्रतिनिधि मण्डललाई भेट्न अस्विकार गरेको छ । यहीबाट पनि प्रष्ट हुन्छ सरकारको विदेश नीति कतिसम्म ‘सन्तुलित’ रहेछ । 

गृह मन्त्रालयको निमन्त्रणमा तीन दिने भ्रमणका लागि नेपाल आएका  चीनको छिङ्हाई प्रान्तका सार्वजनिक सुरक्षा मामिला प्रमुख वाङ चोङसङ नेतृत्वको टोलीलाई गृहमन्त्री विमलेन्द्र निधिले भेट नै नदिई निराश बनाएर फर्काइदिएका हुन ।

यही कात्तिक १५ देखि १८ सम्म नेपाल भ्रमणमा आएको चीनको छिङ्हाई प्रान्तका सार्वजनिक सुरक्षा मामिला प्रमुख वाङ चोङसङ नेतृत्वको टोलीलाई अपमानजनक व्यवहार भएपछि उनीहरु असन्तुष्ट भएर फर्केका छन् । काठमाडौं आउनुअघि नै भ्रमण तय गरिएको भए पनि काठमाडौं आएपछि समेत गृहका अधिकारीले भेट गर्न नमानेका हुन् ।

गृहमन्त्री बिमलेन्द्र निधिले ‘चीनको प्रतिनिधि मण्डलहरुसँग धेरै हिमचिम नगर्न’ निर्देशन दिएकै कारण सचिवले भेट निदिएको खुलेको छ । पुष्पकमल दाहाल सरकारले आफ्ना कर्मचारीसँग समेत भेट नदिएसँगै सरकारको विदेश नीति भारतीय लम्पसारवाद मात्र रहेको पृष्टी भएको छ ।

यता,नेपालको गृहमन्त्रालयद्वारा आमन्त्रित छिङहाइ राज्यका प्रमुख वाङ चोङसङलाई भेट नदिएको सूचना कसरी लिक भयो भन्ने प्रश्न गर्दै परराष्ट्रमन्त्री महतले कर्मचारीहरुसँग आक्रोश पोखेका छन ।