">
- अर्थ सरोकार सम्बाददाता
काठमाण्डौ – खानपानले मानिसको स्वास्थ्यलाई निर्धारित गर्छ। खानाकै कारण मानिसको स्वास्थ्य अवस्थाका साथै अनुहार, छालालाई पनि प्रभाव पार्ने गर्छ। उचित खानपानले स्वास्थ्य समस्याबाट जोगिन मद्दत गर्छ भने मानिसलाई स्वस्थ, स्फूर्त, राम्रो देखाउन र कन्फिडेन्स रहिरहन मद्दत गर्छ।
यसकारण पनि खानपानमा विशेष ध्यान दिनु जरुरी हुन्छ। विशेषगरी महिलाले आफूलाई सुन्दर र आकर्षक देखाउनका लागि पनि खानपानमा ध्यान दिनु आवश्यक हुन्छ।
स्वस्थ खानपानले नै महिलाहरुलाई सुन्दर, आकर्षक बनाउँछ। उनीहरुको छाला, कपाल, अनुहारमा चमक ल्याउन मद्दत गर्छ। थाहा पाऔँ आफूलाई सुन्दर, आकर्षक र कन्फिडेन्ट राख्नका लागि कस्ता खाने कुरा खाने
स्याउ :- स्याउमा फाइबर हुन्छ। यसले महिलाको शरिरलाई सन्तुलनमा राख्न मद्दत गर्छ।
कागती पानी :- कागती पानी पाउनाले शरिरमा रहेका विकार पदार्थ बाहिर निस्कन्छन् र अनुहारमा चमक आउँछ।
पालकको साग :- पालकको साग खानाले रक्त सञ्चार राम्रो हुन्छ र महिलाहरूको कन्फिडेन्स बढ्छ।
डार्क चकलेट :- यसले पनि रक्त सञ्चारलाई सन्तुलनमा राख्छ। जसले अनुहारमा चमक बढ्छ।
गोलभेंडा :- गोलभेंडामा हुने लाइकोपिनले छालाको चमक बढाउन मद्दत गर्छ।
भट्टमास :- यसले छालामा चमक ल्याउनका साथै कपाल बढाउन पनि मद्दत गर्छ।
माछा :- यसमा ओमेगा ३ फ्याक्टी एसिड हुन्छ, जसले कपाल कालो र बाक्लो बनाउँछ।
ओखर :- यसमा बायोटिन हुन्छ, जसले छाला र कपालको चमक बढाउँछ।
केरा : – यसमा हुने पोटासियम, आइरनबाट स्ट्रेस कम हुन्छ र अनुहारमा मुस्कान कायम रहन्छ।
अण्डा :- अण्डा खानाले भोकल कर्डको तन्तु नरम हुन्छ र आवाजमा सुरिलोपन ल्याउँछ।
आइसक्रिम :- आइसक्रिममा पाइने भिटामिन के ले रक्त सञ्चारलाई सन्तुलित राख्छ।
- एजेन्सी
