काठमाडौं-  हाम्रो बिकास बैंक लिमिटेडलाई नयाँ सीइओ फापेको छ । बैंकमा केहि समय अगाडीमात्र सिए पारस राज कंडेल सीइओको भएर गएका थिए । बैंकले चालु आर्थिक वर्ष २०७३/७४ को पहिलो त्रैमाशमा खुद मुनाफा १ करोड ७० लाख रुपैयाँ कमाउन सफल भएको छ । जुन गत वर्षको सोहि अवधिको तुलनाभन्दा ६२ दशमलव २५ प्रतिशतले बढी हो । गत वर्षको सोहि अवधिमा बैंकले ६८ लाख १४ हजार रुपैयाँ कमाएको थियो ।

बैंकले सार्वजनिक गरेको प्रतिवेदन अनुसार बैंकको जोखिम युक्त सम्पति १५ दशमलव ७७ प्रतिशत रहेको छ भने निष्क्रिय कर्जा शून्य दशमलव २५ प्रतिशत रहेको छ । बैंकको प्रतिशेयर आम्दानी १४ दशमलव ०८ रुपैयाँ, मूल्य आम्दानीको अनुपात १४ दशलमव ०८ गुणा, प्रतिशेयर नेटवर्थ १ सय ४७ दशमलव ५३ रुपैयाँ र तरलता अनुपात २५ दशमल ८३ प्रतिशत रहेको छ ।

१२ करोड २३ लाख रुपैयाँ चुक्ता पूँजी भएको हाम्रो बिकास बैंकले जगेडा कोषमा ५ करोड ९० लाख रुपैयाँ छुट्याएको छ भने कर्जा तर्फ ४८ दशमलव ६२ प्रतिशतले बढेर ९२ करोड ४७ लाख रुपैयाँ लगानी गरेको छ । बैंकको खुद व्याज आम्दानी ७३ दशमलव ७३ प्रतिशतले बढेर १ करोड ९४ लाख रुपैयाँ पुगेको छ । संचालन मुनाफा २ सय ८ दशमलव ९०२ प्रतिशतले वृद्धि गरी २ करोड ८८ लाख रुपैयाँ पुगेको छ । बैंकको प्रोभिजनमा २० लाख ५७ हजार रुपैयाँ राखेको छ भने खराबकर्जा २५ लाख ६३ हजार रुपैयाँ उठाउन सफल भएको छ ।