- अर्थ सरोकार सम्बाददाता
काठमाडौं – पूर्वप्रधानमन्त्री एवं नेकपा एमालेका वरिष्ठ नेता झलनाथ खनालले नेकपा एमाले संविधान संशोधनको पक्षमा नरहेको बताएका छन् । कपिलवस्तुको राजा सुद्धोधनको राजप्रसाद तिलौलाकोट दरबारको भ्रमणका क्रममा रहेका खनालले पत्रकारहरुसँग कुरा गर्दै आफ्नो पार्टी संविधान संशोधनका पक्षमा नरहेको बताए उनले भने ।
देशको अग्रगतिलाई मध्यनजर गर्ने बाहेकका विषयमा अन्य दलहरुले संशोधनको कुरा निकालेर उफ्रिर्नु सकारात्मक नभएको भन्दै उनले टिप्पणी समेत गरेका छन् । केही मधेसी नेताहरु संविधानप्रति असन्तुष्ट हुनु स्वभाविक भएको प्रतिक्रिया दिदैं उनले मधेसका बहुसंख्यक जनताले संविधान स्वीकार गरेको दाबी गरे ।
देशको इतिहासको अध्ययन गर्ने शिलसिलामा कपिलवस्तुको तिलौराकोटबाट गणतन्त्रको उद्गम भएको भन्ने बुझेर नै सामाजिक सांस्कृतिक भ्रमणका लागि आफू कपिलवस्तु आएको खनालले बताए ।
