- अर्थ सरोकार सम्बाददाता
काठमाडौं – भारतीय राष्ट्रपति प्रणव मुखर्जी र पूर्व प्रधानमन्त्री तथा एमालेका वरिष्ठ नेता माधव कुमार नेपालबीच भेटवार्ता भएको छ। बिहीबार बिहान साढे ९ बजेतिर होटेल ह्यात रिजेन्सीमा भएको भेटका क्रममा दुई देशको आपसी हित र पारस्परिक चासोका विषयमा कुराकानी भएको एमालेको वैदेशिक मामिला विभागका सचिव यादवचन्द्रले जारी गरेको विज्ञप्तिमा जनाइएको छ।
नेता नेपालले दुई देशबीच कायम रहेको अद्धितीय ऐतिहासिक सम्बन्धलाई आपसी हित र समृद्धिका लागि अझ सुदृढ पार्नुपर्नेमा जोड दिएका छन्। दुई देशका नेताहरूबीचको भेटघाटले सम्बन्ध अझ प्रगाढ हुने र सुदृढ हुने विचार राख्दै राष्ट्रपति मुखर्जीले पूर्व प्रधानमन्त्री नेपाललाई भारत भ्रमणका लागि निमन्त्रणा समेत गरेको विज्ञप्तिमा उल्लेख गरिएको छ।
