एजेन्सी – एक स्कले युवतीलाई बाँदरले जिस्काएपछि लिबियाको सभामा भयंकर तनाव र हिंसा सुरु भएको छ । युवतीमाथि बाँदरले हमला गरेपछि लिबियामा सुरु भएको हिंसामा कम्तीमा २० जनाको ज्यान गएको र ५० भन्दा बढी मानिस घाइते भएको अन्तर्राष्ट्रिय सञ्चारमाध्यमले जनाएका छन् ।

यसरी भयो घटना :-
दक्षिण लिबियाको दुई जनजातिहरुबीच यो हिंसा तब भड्कियो जब गद्दाफा जनजातिको एक पसलेको घरपालुवा बाँदरले अर्को जनजातिकी एक युवतीमाथि हमला गर्यो । युवतीका परिवारले यसको बदला लिनका लागि बाँदरसमेत गद्दाफा जनजाति समुदायका तीन जनालाई मारिदिए । त्यसपछि दुबै समुदायबीच सुरु भएको संषर्घ अझै जारी छ ।

स्थानीय रिपोर्टअनुसार एक बाँदरले स्कूल गइरहेका युवतीहरुको एक समूहमाथि हमला गरेको थियो । बाँदरले अलवाद जनजाति समुदायकी एक युवतीको हेडस्कार्फ खिचेको थियो र त्यसपछि हमला गर्दै काटेर घाइते बनाएको थियो । हमला गर्ने बाँदर गद्दाफा जनजातिका एक पसलेको थियो ।

यो घटनाबाट अलवाद सुलेमान जनजातिका मानिसहरु रिसाएर बाँदरसमेत गद्दाफा जनजातिका तीन जनालाई मारिदिए । युवतीका परिवारले गद्दाफा जनजातिका जून तीन जनालाई मार्यो तिनीहरु युवतीमाथि आक्रमण हुँदा बाँदरसँगै थिए ।

दुबै जनजातिसँग ठूला ठूला हतियार छन् । रिपोर्टका अनुसार टैंक, राकेटस्, मोर्टार र कैयौ भारी हतियार लडाइँमा प्रयोग भइरहेको छ जसका कारण धेरै संख्यामा मानिस गम्भीर रुपमा घाइते भएका छन् ।