">
- अर्थ सरोकार सम्बाददाता
काठमाण्डौ – भारतिय प्रधानमन्त्री नरेन्द्र मोदीले ५०० र १००० रुपैयाँमाथि तत्काल प्रतिबन्ध लगाएपछि त्यसको असर नेपालमा समेत परेको छ । नेपाल राष्ट्रबैकले आपतकालीन बैठक बोलाएको छ । नक्कली नोटको कारोवार रोक्न भन्दै भारतीय प्रधानमन्त्री नरेन्द्र मोदीले यो घोषणा गरेका हुन् ।
राष्ट्रबैकले आजको बैठकबाट अब के गर्ने भन्नेमा निर्णय लिनेछ । एक अधिकारीका अनुसार भारतीय रिजर्भ बैंकको समन्वयमा काम गरिनेछ । मुलत तराई क्षेत्रमा यस्ता नोटको प्रयोग हुँदै आएको थियो । कैयौ नेपाली भारतमा काम गरेर बसेका छन् । उनीहरु पनि यो निर्णयबाट प्रभावित हुनेछन् ।
नेपालमा भारतले प्रतिवन्ध लगाएका नोटलाई कसरी सटही दिने भन्नेमा विषेश सयन्त्र बनाउने बैंकको तयारी छ । बुधवार बिहानको आपतकालीन बैठकले विषेश निर्णय लिनेछ । भारतमा कालोधनका रुपमा ५ सय र एक हजार रुपैयाँको नोट लुकाएर राख्ने ठूलो समस्या छ ।
नेपाल भारत सीमा क्षेत्रमा पनि यसको ठूलो असर देखिनेछ । यसबाहेक उपचार, अध्ययन र घुम्नका लागि भारत जाने नेपालीहरु पनि मोदी सरकारको निर्णयबाट प्रभावित हुनेछन् ।
नेपाल राष्ट्र बैंकले यसअघि भारतीय रुपैयाँ पाँच सय र एक हजार दरका नोटहरुमा लगाउँदै आएको १४ वर्षदेखिको बन्देज गत वर्षको फेब्रुअरीदेखि हटाएको थियो।
