काभ्रे -नेपाली कांग्रेस पार्टीको नगर सभापतिहरुको भेला पहिलो पटक काभ्रेको बनेपामा हुने भएको छ । नेपाली कांग्रेस बनेपा नगर समितिले दिएको जानकारी अनुसार कात्तिक २४ र २५ गते बनेपामा हुँदैछ । नगर सभापतिको भेला गत असोज ३ र ४ गते गर्ने भनिएपनि स्थगित गरिएको थियो ।

बनेपा नगर समितिका सभापति राम जोशीका अनुसार कात्तिक २४ र २५ गते बनेपामा नगर सभापतिहरूको भेला हुने निश्चित भएको छ । भेलामा देशभरका २ सय १७ नगर सभापतिसहित करिब २ हजार प्रतिनिधिको सहभागिता हुने बनेपा नगर समितिले जनाएको छ । भेलाका लागि १८ लाख खर्च लाग्ने अनुमान गरिएको छ ।  नगर सभापतिहरुलाई बनेपा र धुलिखेलमा बस्नका लागि व्यवस्था गरिने समितिले जनाएको छ । सो अवसरमा काभ्रेको ऐतिहासिक नगरी पनौतीलगायत पर्यटकीय क्षेत्रको भ्रमण गराइने सभापति जोशीले बताए । 

भेलामा स्थानीय निकाय पुर्नसंरचनाबारे धारणा बनाउन र चैतमा हुने भनिएको स्थानीय निकाय निर्वाचन, प्रादेशिक व्यवस्था, पार्टी सुदृढीकरण लगायतका एजेण्डामा छलफल गर्न तयारी स्वरुप नेपाली कांग्रेसले नगर सभापतिहरूको भेला बोलाएको हो । पार्टी विधानमा नै छैन नगरसभापतिको भेला गर्ने ब्यवस्था सम्मेलन आयोजक समिति संयोजक शान्तिरत्न शाक्यले कांग्रेस पार्टीका नेतृत्वलाई घचघचाउने उद्धेश्यले पहिलो पटक नगर सभापतिहरुको भेला बनेपामा गर्न लागेको बताए । 

नेपाली कांग्रेसको विधानमा नगर सम्मेलन गर्ने भन्ने अहिलेसम्म व्यवस्था छैन। स्थानीय तहको रुपमा नगर समितिहरुलाई पनि बलियो बनाउन आवश्यक छ । उनले अगाडि भने( ‘नगरलाई संगठित बनाउनको निमित्त पनि यो सम्मेलन गर्ने उद्धेश्यले बनेपा भेला गर्न लागेको हो ।