- अर्थ सरोकार सम्बाददाता
काठमाडौ – बिहीवार नेप्से परिसूचक शून्य दशमलव २१ प्रतिशतले घटेको छ । पहिलो कारोबारदेखि नेप्सेमा उतारचढाव देखा परेको छ । २ घण्टाको व्यापारमा नेप्से ३ दशमलव ६१ अङ्कले घटेर १ हजार ७ सय ५६ दशमलव १० विन्दुमा पुगेको हो ।
यस समयमा पनि विकास बैङ्क र वित्त कम्पनी समूह बाहेक सबै समूहको परिसूचक घटेपछि समग्र नेप्से परिसूचक ओरालो लागेको हो । यस व्यापार अवधिमा ९१ कम्पनीको १ हजार ५ सय २० पटकको व्यापारमा रू २२ करोड ४३ लाख बराबरको रकम कारोबार भएको छ ।
वित्त कम्पनी समूहको परिसूचक शून्य दशमलव ९८ प्रतिशत र विकास बैङ्क समुहको शून्य दशलमव ५२ प्रतिशतले बढेको छ । त्यसैगरी, ‘अन्य’ समूहको परिसूचक १ दशमलव २९ प्रतिशतले घटेको छ ।
साथै, बीमा समूहको परिसूचक शून्य दशमलव ५४ प्रतिशत, जलविद्युतको शून्य दशमलव ४७ प्रतिशत र बैङ्किङको शून्य दशमलव २१ प्रतिशतले घटेको हो ।
