काठमाडौँ – बुधवार नेप्से परिसूचक १ दशमलव ९१ प्रतिशतले बढेको छ । अघिल्लो दिनको बन्द विन्दुबाट खुलेको बजारमा सामान्य उतार चढाव देखा परेको छ । २ घण्टाको व्यापारमा नेप्से २९ दशमलव ६३ अङ्कले बढेर १ हजार ५ सय ८३ दशमलव ३१ विन्दुमा पुगेको हो । 

होटल, जलविद्युत र वित्त कम्पनी बाहेक कारोबारमा आएका सबै समूहको परिसूचक बढेपछि समग्र नेप्से परिसूचक उकालो लागेको हो । यस व्यापार अवधिमा १ सय १८ कम्पनीको ४ हजार ४ सय ६ पटकको व्यापारमा रू. ७० करोड ६९ लाख बराबरको शेयर कारोबार भएको हो ।

बैङ्किङ समूहको परिसूचक २ दशमलव ६२ प्रतिशतले बढेको छ । साथै, बीमा समूहको परिसूचक १ दशमलव ९८ प्रतिशत, विकास बैङ्कको १ दशमलव ३२ प्रतिशत र ‘अन्य’ समूहको शून्य दशमलव ५८ प्रतिशतले बढेको छ । त्यस्तै, होटल समूहको परिसूचक १ दशमलव शून्य २ प्रतिशत, वित्त कम्पनीको शून्य दशलमव २२ प्रतिशत र जलविद्युत समूहको परिसूचक शून्य दशमलव शून्य १ प्रतिशतले घटेको हो ।