काठमाडौँ  – नेपाल निजामती कर्मचारी सङ्गठनको दशौं राष्ट्रिय अधिवेशन मंसिर २७ देखि नेपालगन्जमा हुने भएको छ ।

तीन दिनसम्म नेपालगन्जमा हुने अधिवेशनको सबै तयारी पूरा भएको सङ्गठनका सदस्य गगनबहादुर विकले जानकारी गराए । उनका अनुसार अधिवेशन सम्पन्न गर्नका लागि उपाध्यक्ष मानबहादुर विष्टको संयोजकत्वमा २५१ सदस्यीय मूल व्यवस्थापन समिति र विभिन्न १५ उपसमिति गठन गरिएको छ ।

‘सङ्घीयतामा सुशासन, सामाजिक सुरक्षा र श्रमको सम्मान, राजनीतिक अधिकारसहितको ट्रेड युनियन हाम्रो अभियान’ भन्ने मूलनाराका साथ हुन गइरहेको अधिवेशनले तीनवर्षका लागि ९९ सदस्यीय नयाँ कार्यसमिति चयन गर्ने सदस्य विकले बताए ।

नयाँ कार्यसमितिमा समावेशीसहित १० उपाध्यक्ष, एक महासचिव, दुई उपमहासचिव, पाँच सचिव र एकरएक कोषाध्यक्ष र सहकोषाध्यक्ष चयन गरिनेछ ।

अधिवेशनको नेकपा एमाले का अध्यक्ष केपी शर्मा ओलीले उद्घाटन गर्नेछन् । सङ्गठनमा अहिले ४० हजार कर्मचारी सहभागी रहेका बताइएको छ ।