- अर्थ सरोकार सम्बाददाता
काठमाडौं – पाकिस्तानी मिडियाले पहिलो पटक नेपालको विषयमा आक्रामक सामाग्री प्रकाशन गरेको छ । नेपाली राजनीतिज्ञहरु भारतसँग लम्पसार गर्ने गरेको भन्दै फिचर प्रकाशित गरेसँगै हल्लीखल्ली मच्चिएको छ ।
पछिल्लो पटक प्रधानमन्त्री पुष्पकमल दाहाल प्रचण्ड पनि भारतमा विक्ने नेताको सूचीमा थपिएको पाकिस्तानी मिडिया विश्लेषण गरेको छ ।
पाकिस्तानबाट प्रकाशित हुने पत्रिका साउथ एसिया फोरममा फैजान उसामीले प्रचण्डको पछिल्लो सत्तारोहण पनि भारतकै चाहानामा भएको भन्दै लामो फिचर प्रकाशन गरेको हो ।
प्रचण्डले बालुवाटार छिर्ने समयमा गरेका प्रतिबद्धताहरु कुनै पनि पुरा नभएको र मधेशीहरुको माग बमोजिम संविधान संसोधन हुने सम्भावना तत्काल नभएको भन्दै उक्त पत्रिकामा संविधान संसोधन नगरी भारतलाई विश्वासमा लिन समेत प्रचण्ड असफल हुने उल्लेख छ ।
यो पत्रिकामा नेपाल नाममा लेखिएको फिचरले पाकिस्तानमा भारतले नेपाललाई निरिह बनाएर राखेको भन्ने बुझाइ पाकिस्तानमा ब्याप्त रहेको बुझ्न कठिन छैन ।
- एस काठमाडौँ
