काठमाडौं – आज प्रधानमन्त्री प्रचण्डले प्रधानमन्त्री पदको शपथ ग्रहण गरेको तीन महिना तीन दिन पुगिसकेको छ । कानूनमा उल्लेख भए बमोजिम मन्त्री भएको १ हप्ताभित्रमा सम्पत्ति विवरण पेश गर्नुपर्ने हुन्छ तर प्रचण्डसहितका माओवादी मन्त्रीहरुले अहिलेसम्म सम्पत्ति विरण पेश गरेका छैंनन् ।
माओवादी केन्द्र अध्यक्ष तथा प्रधानमन्त्री पुष्पकमल दाहाल ‘प्रचण्ड’को सरकारमा रहेका दुई उपप्रधानमन्त्रीसहित विभिन्न मन्त्रीहरुले आफ्नो सम्पत्ति विवरण पेश नगर्नुको पछाडि एउटा रहस्यमय घट्ना फेला परेको छ ।
रहस्यका पात्र हुन् प्रबक्ता दामोदार रेग्मी । हाल प्रधानमन्त्री तथा मन्त्रीपरिषद् कार्यलयमा सहसचिवको जिम्मेवारी सम्हाल्दै आएका उनले सबै मन्त्रीहरुको सम्पत्ति विवरण प्राप्त भएपनि वेबसाइटमा प्रकाशित गरेका छैंनन् । तर पटक पटक मुख्य सचिव सोमलाल सुवेदी लगायतका कर्मचारीले उक्त विवरण प्रकाशित गर्न आग्रह गरेपनि प्रबक्ता रेग्मीले पूर्ण रुपमा विवरण प्राप्त नभएको बताउँदै प्राप्त भएपछि विवरण सार्वजनिक गर्ने बताउँदै आएका छन् ।
यसरी उनले अहिलेसम्म कुनै मन्त्रालयका मन्त्रीहरुको सम्पत्ति विवरण प्रधानमन्त्री कार्यलयको आधिकारिक वेबसाइटमा नहालेपछि प्रधानमन्त्री प्रचण्ड पुत्र तथा स्वकिय सचिव प्रकाश दाहालले प्रवक्ता रेग्मीलाई कालोनिलो हुनेगरि झपारेका रहेका छन् । अहिलेसम्म किन सम्पत्ति विवरण सार्वजनिक नगरेको ? भन्दै हप्किदप्कि गरेपनि उनले उही पहिलेकै जवाफ फर्काएका थिए । त्यससँगै प्रचण्ड पुत्र दाहालले माओवादीको बदनाम गरेको आरोप लगाउँदै कर्मचारीहरुले गर्दा मिडियाले आफूहरुको खेदो खनेको भन्दै उनले रेग्मीलाई हकारेका हुन ।
पछिल्लो पटक प्रधानमन्त्री प्रचण्ड नेतृत्वको सरकार गत भदौ १३ गते विस्तार गरिएको हो । अहिले प्रचण्ड सरकारमा रहेका २ उपप्रधानमन्त्री, २४ मन्त्रीसहित ४ राज्यमन्त्रीले समेत सम्पत्ति विवरण बुझाएका छैंनन् ।
एस काठमाडौंबाट
