काठमाण्डौ – काठमाडौको ठुलो भर्याङमा रहेको ग्रीन कान्तिपुर स्कुलकी प्रिन्सिपल श्यारोम प्रधानको कुटाईबाट आँखामा गम्भीर चोट लागेपछि एक विद्यार्थी अस्पताल भर्ना भएका छन् ।

प्रिन्सिपलको निर्मम कुटाईबाट सोही बिद्यालयको कक्षा नौ मा अध्ययनरत १४ वर्षका छात्र प्रदिप राउत घाईते भएका हुन । प्रिन्सिपल प्रधानले लठ्ठीले कुट्दा उनको आँखामा गम्भीर चोट लागेपछी नेपाल आँखा अस्पताल त्रिपुरेश्वर काठमाडौमा भर्ना भएका छन् । उनको आँखामा रगत समेत जमेको छ । अछाम स्थायी घर भएका उनकी आमाले काठमाडौमा मजदुरी गरेर प्रदिपसहित दुई बच्चाहरुलाई पढाईरहेकी छिन् । घाईते बिद्यार्थी प्रदिपकी आमाले प्रिन्सिपलले आँखा नै फुट्ने गरी छोरामाथी कुटपिट गरेको भन्दै कारबाहीको माग गरिन ।

घाईते विद्यार्थी प्रदिपका अनुसार शुक्रबार बिहान करिब ८ बजेतीर कोचिङ कक्षा चलिरहेका बेला अर्का एक बिद्यार्थीसंग सामान्य चिमोटाचिमोट भयो । प्रिन्सिीपल श्यारोन प्रधान कक्षामै थिईन । त्यतिबेला उनले एक्कासी बलियो लठ्ठीले प्रदिपलाई हिर्काउन थालिन । हिर्काउने क्रममा लठ्ठी आँखामा लाग्यो । आँखामा चोट लागेपछी प्रदिप कक्षा कोठामै लडेको उनलाई भेट्न अस्पतालमै आएका एक बिद्यार्थीले बताए । त्यसपछी एकछीन आराम गराएर उनलाई घर फर्काइयो ।

झण्डै तीस वर्षदेखी त्रिभुवन विश्वबिद्यालयमा भुगर्भशास्त्र पढाईरहेका सह प्राध्यापक राजेन्द्र प्रधान सो बिद्यालयका सञ्चालक एवम् निर्देशक हुन ।