">
- कृष्णा चौलागाई / अर्थ सरोकार डटकम
काठमाडौँ – लोकमान सिंह कार्कीको समर्थनमा सोमबार राजधानीमा जुलुस निस्किएको छ । सयौंको संख्यामा निस्केको विशाल जुलुसले लोकमान सिंह कार्कीलाइ जवरजस्त फसाएर ठूला नेताहरुको भ्रष्टाचारलाई छोप्ने प्रयास भएको यस बिषयमा छानविन गर्न माग गरेका छन् ।
काठमाडौँको माइतीघरबाट सुरु भएको जुलुसमा सहभागीहरुले ‘भ्रष्टाचार विरुद्धको आन्दोलन सफल पारौं’ लेखिएको ब्यानर र ‘लोकमान जनता तिम्रो साथमा छन् भ्रष्टहरुलाई कारबाही गर्न खुट्टा नकमाउ’ भन्ने नारा लेखिएका प्लेकार्ड समेत बोकेका थिए ।
अधिवक्ता बालकृष्ण न्यौपानेको अगुवाईमा सम्पन्न भएको उक्त जुलुसपछी आयोजित कोणसभामा बोल्दै पूरानो शक्तिका कार्यकर्ताहरुले नेपालको सबैभन्दा भ्रष्टाचारी व्यक्ति पुष्प कमल दाहाल भएको भन्दै उनलाई फाँसी दिन समेत माग गरेका छन् ।
‘आफैलाई कारबाही हुने डरले नेताहरुले महाअभियोग प्रस्ताव ल्याइएको छ । यसलाई खारेज गर्नुपर्छ ।’ अर्थ सरोकारसँग कुराकानी गर्दै न्यौपानेले भने, ‘आफु भ्रष्टाचार गर्ने अनि आफु नाङ्गो हुने डरले लोकमान सिंह कार्कीलाइ फसाउने काम भएको छ ।’
हेर्नुहोस् पूरानो शक्तिले गरेको कार्यक्रमको एक्सक्लुसिभ फोटो फिचर :
