• अर्थ सरोकार सम्बाददाता 

काठमाडौँ – आर्थिक पत्रकार सञ्जय न्यौपानेको उपचारका क्रममा निधन भएको छ । न्यौपानेको शनिवार साँझ ललितपुरस्थित नेपाल क्यान्सर अस्पतालमा निधन भएको हो ।

‘एनाप्लास्टिक एस्ट्रोसिटोमा’ भनिने स्नायु प्रणालीसम्बन्धी रोग लागेपछि उनी बिगत एक बर्षदेखि भारतको मेदान्त अस्पतालमा उपचार गराइरहेका थिए ।

लामो समय आर्थिक पत्रकारितमा क्रियाशिल रहेका न्यौपाने कारोबार दैनिकका पूर्व सम्पादक हुन् । कान्तिपुर दैनिकमा लामो समय आर्थिक पत्रकारिता गरेका उनले त्यहाँ बिजनेस ब्युरो प्रमुख र चिफ रिपोर्टर भएर काम गरेका थिए । नेपाल आर्थिक पत्रकार समाज (सेजन)का पूर्व उपाध्यक्ष समेत रहेका पत्रकार न्यौपानेको निधनमा अर्थ सरोकार डटकम हार्दिक श्रद्धाञ्जली व्यक्त गर्दछ ।