- अर्थ सरोकार सम्बाददाता
काठमाण्डौ – सिन्धु विकास बैङ्क लिमिटेडको २ लाख ७३ हजार ७ सय २२ कित्ता हकप्रद शेयर मङ्सिर ९ गतेदेखि लिलाम बिक्री गरिँदैछ । कम्पनीको शिलबन्दी बोलपत्र पेश गर्ने अन्तिम मिति मङ्सिर १६ रहेको छ ।
सिन्धु विकास बैङ्क लिमिटेडको हकप्रद शेयरको लागि २०७३ साउन २३ गते देखि २०७३ भदौ २६ गतेसम्म हकप्रद शेयरको बिक्री खुल्ला गरी आवेदन माग गरिएकोमा संस्थापक र सर्वसाधारण शेयर बाँडफाँट भई बाँकी रहेको संस्थापक समूहतर्फ १ लाख ९२ हजार ४ सय ८५ कित्ता र सर्वसाधारण समूहतर्फ ८१ हजार २ सय ८२ दशमलव ७५ कित्ताको लागि शिलबन्दी बोलपत्र आह्वान गरेको हो ।
शेयरको न्युनतम मुल्य प्रति शेयर रु १०० तोकिएको हँुदा सो वा सो भन्दा बढी मुल्य अंकित गरी बोलकबोल गर्नुपर्ने छ । कम्पनीको बिक्री प्रबन्धक एनआइबिएल क्यापिटल मार्केट्स लिमिटेड रहेको छ ।
